*विदर्भ प्राथमिक शिक्षक संघ नागपूर (प्राथमिक,माध्यमिक व उच्च माध्यमिक)
*माध्यमिक शाळा संहिता*
शिक्षक बंधू आणि भगिनींनो आत्तापर्यंत आपण लेखांमधून विविध
नियमांची माहिती घेतली आहे आता आपण.
अठराव्या लेखातून खालील विषयावर माहिती घेणार आहोत .
*विषय प्रवेश नाकारणे*
१४. कोणत्याही विद्यार्थ्यास तो केवळ विशिष्ट जातीचा,जमातीचा किंवा धर्माचा आहे याच कारणावरून कोणत्याही मान्यताप्राप्त शाळेत प्रवेश नाकारता येणार नाही.
**************************
*प्रवेशाकरिता अर्ज*
१५.विद्यार्थी अज्ञान असेल
तर अशा विद्यार्थ्यांच्या बाबतीत त्याच्या आई-वडिलांनी किंवा पालकांनी प्रवेशाकरिता अर्ज शाळेच्या प्रमुखाकडे केला पाहिजे विद्यार्थी सज्ञान असेल तर त्याने स्वतः अर्ज केला पाहिजे.
**************************
आई-वडीलांना
अथवा पालकांना शाळेचे नियम पुरविणे
१६.विद्यार्थ्यास प्रवेश देण्यापूर्वी, विद्यार्थ्यांच्या आई-वडिलांस किंवा पालकांस शाळेच्या नियमाची प्रत पुरवली गेली पाहिजे. त्या नियमांमध्ये आकारली जाणारी फी आणि शिस्तीचे विविध नियम यांचा समावेश असला पाहिजे. नियमांचे पालन केले जाईल असे संमतीपत्र आई-वडिलांकडून किंवा पालकांकडून घेतले पाहिजे.
**************************
*शाळा सोडल्याचे प्रमाणपत्र सादर करणे.*
१७.विद्यार्थ्यांनी पूर्वी तो जात असलेल्या मान्यताप्राप्त शाळेचे ती शाळा सोडल्याचे प्रमाणपत्र दाखल केल्याशिवाय कोणत्याही मान्यताप्राप्त शाळेने त्यास प्रवेश देता कामा नये.
शासनाने विहित केलेल्या शाळा सोडल्याबाबत दाखल्याच्या प्रमाणपत्राचा नमुना परिशिष्ट 4 मध्ये दिलेला आहे.
परंतु आता
आर. टी. ई.कायद्यानुसार नवीन नमुना दिलेला आहे तो यापूर्वी शाळांना पाठवण्यात आलेला आहे त्यानुसार शाळेच्या दाखल्याची व शाळेच्या जनरल रजिस्टरची रचना केलेली आहे.
जर विद्यार्थ्यांने
यापूर्वी अशा कोणत्याही शाळेत प्रवेश घेतला नव्हता या कारणावरून जर शाळा सोडल्याचे प्रमाणपत्र दाखल केले नसेल तर विद्यार्थ्यांच्या आई-वडिलांकडून किंवा पालकांकडून तशा अर्थाचे प्रतिज्ञापत्र घेतले पाहिजे.
*टीपःआर.टी.ई.कायद्यानुसार व समग्र शिक्षा अभियान अंतर्गत कोणत्याही विद्यार्थ्यांस शाळा सोडल्याचा दाखला नसल्याच्या कारणाने प्रवेश नाकारता येणार नाही.पालकांचे साध्या कागदावर प्रतिज्ञापत्र घेऊन संबंधित प्राधिकारी यांच्या परवानगीने प्रवेश द्यावा.*
कोणत्याही टिप्पण्‍या नाहीत:
टिप्पणी पोस्ट करा