*#क्रिडा_महोत्सवातून_चांगले_खेळाडू_घडतील*

*#क्रिडा_महोत्सवातून_चांगले_खेळाडू_घडतील*

👉 *प्रकाश हायस्कूल व ज्युनिअर कॉलेज कान्द्री-माईन येथे तिन दिवसीय क्रिडा महोत्सवाचे आयोजन*

रामटेक - शालेय जिवनात क्रिडा खेळाचे महत्त्व असून यातूनच चांगले खेळाडू निर्माण होतात. प्रकाश हायस्कूल व ज्युनिअर कॉलेज कान्द्री-माईन येथे क्रिडा महोत्सवाचे आयोजन करुन विद्यार्थ्यांच्या कलागुणांना वाव दिला असल्याचे, प्रतिपादन मुख्याध्यापक मिलिंद वानखेडे यांनी केले

प्रकाश हायस्कूल व ज्युनिअर कॉलेज कान्द्री-माईन येथे आजपासून (ता 13) तिन दिवसीय क्रिडा महोत्सवाचे आयोजन करण्यात आले. या क्रिडा महोत्सवाचे उद्घाटन समाजसेवक राष्ट्रपाल खोब्रागडे यांच्या हस्ते झाले. कार्यक्रमाच्या अध्यक्षस्थानी मुख्याध्यापक श्री मिलिंद व्हि वानखेडे तर प्रमुख पाहुणे म्हणून शुभम दुधबर्वे , मोहन उईके उपस्थित होते. उपस्थित मान्यवरांनी प्रथम क्रांतीज्योती सावित्रीबाई फुले यांच्या प्रतिमेला माल्यार्पण करुन मुलींना शिक्षणात पुढे आणण्याचे आवाहन करुन क्रांतीज्योत पेटविली.

या तिन दिवसीय क्रिडा महोत्सवात खो-खो , कबड्डी, लंगडी, रनिंग, चमचा गोटी, या सारखे विविध खेळ होणार आहे. या महोत्सवातून विद्यार्थ्यांच्या शारीरिक व मानसिक विकासाला चालना मिळेल, असा आशावाद मुख्याध्यापक श्री मिलिंद व्हि वानखेडे यांनी व्यक्त केला. कार्यक्रमाचे संचालन श्री श्याम गासमवार व आभार प्रदर्शन श्री विजय लांडे यांनी केले. कार्यक्रमाच्या आयोजनासाठी सौ.कामिनी पाटील, सौ सुचिता नागपूरे ,श्री प्रशांत सरपाते, सौ अनिता खंडाईत, श्री बंसत ठकराले, प्रभाकर खंडाते ,मिलिंद वाघमारे यांनी सहकार्य केले.